pahiram ng isang saglit
nandito lang ako…
hindi mo ba makita…
hindi mo ba maramdaman…
at ‘di maaninag ng iyong isipan…
buong araw sa paghihintay…
ni pagod o antok ay ‘di alintana…
nakatitig lang sa malayo’t di maiwasan…
ang patuloy na paghiling na sana’y pagbigyan…
tulad ng dahong nakalutang…
ang kamalayang hinihipan ng pag-asa…
darating kaya siya’t upang ako’y sagipin…
o hahayaang mangulila’t liparin na lang ng hangin?
gaano bang kamahal ang isa mong minuto…
para maalala mo lang na may naghihintay sa’yo…
